Qinersisartunik ataatsimiititsinermi Siumut ilungersuavoq

Københavnimi Kalaallit Illuutaanni qinersisartunik ippassaq ataatsimiisitsinermi Siumumeersoq Aleqa Hammond ilungersulaarsimavoq.

Kalaallit Danmarkimi Ilinniagaqartut Kattuffiata Avalak-p unnuk aaqqissuussaraa, taasisitsissuusaarnermilu Siumut ikinnerpaanik taaguunneqarpoq, aallaat 0 procentimik taaneqartoq oqaatigineqarsinnaanani. Aleqa Hammand aperaarput sooq ilinniartunit Siumut partiia taama tapersersornikitsiginersoq.

- Soorunami pissangagisimavara qanoq inerneqarsimassanersoq. Pissutsit taamaattuaannarput, inuit isumaannik misissuinerit inerniviillu allaanerusorujussuusarput. Taamaammat tupaallaatigerujussuanngilara aamma ilinniagaqartunut politikkerput suli tusarsimanagu maani ilinniagaqartut najuuttut taama taasisimammata, Aleqa Hammond nassuiaavoq.

Aleqa Hammond najuuttut ilaannit aperineqarpoq, Siumut partii taama tusaamanerlugaatigisoq sooq ilaasortaaffigineraa. Imalu akivoq.

- Isumaqarpunga pingaaruteqartoq erseqqissaassutigissallugu Siumumi politikeriuneq atornerluinermut akuersaartuunermik isumaqanngilaq. aamma isumaqanngilaq politikkimik ingerlatsigaanni arlaannaatigulluunniit atornerluineq aammalu ikinngutersorneq akuersaarneqartoq, erseqqissaavoq.

Inunnut ataasiakkaanut attuumassuteqartut inunni ataasiakkaani ingerlassammata, inuiaqatigiinni aaqqissuussaannermi Siumup politikkimini anguniagai isiginiartariaqarsorai.

Kalaallit Illuutaanni taasisitsisuusaarnermi Siumup susaapajaarnera politikerit pissusilersorsimanerannik pissuteqarsimanersoq aamma apeqqutigaarput.

- Ataatsimiinnerup pinnginnerani misissuineq pivoq. Takujumaarparput ataatsimeereernerup kingorna misissuineq qanoq isikkoqassanersoq. Soorunami inuiaqatigiit tamatta pissutsinut malinnaasuugatta atuarneqartartullu sunniuteqartarmata qularutissaanngilaq aamma nalilersuinerminni taanna taqataatissimagaat. Kisianni kaammattuugisavara oqariartuutigalugulu Siumumi arlaannaatigulluunniit atornerluineq akuersaannginnatsigu, nangippoq.

Aleqa Hammondip kaammattuutigaattaaq politikkikkut anguniagaq isiginiarneqassasoq Siumut sinnerlugu sassartut nutaarpassuummata.

Partiit Demokraatit, Atassut, Siumut IA-lu Københavnimi qineqqusaartitsitaqarput. Politikerit Arhusimi unnugu taamatorpiaq qineqqusaassapput, ippassarlu pisutut taasisitsisuusaartoqassaaq. Avalap najuuttut oqallinneq aallartitsinnagu taasivissaannik tunisarpai, oqallitsitsereernerullu kingorna isummat allanngorsimanersut paasiniarlugu taasisitseqqittarlutik. Oqallitsitsinerit tulleriit pereerpata qinersisuusaarnerit inerneri saqqummiunneqassapput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat