Qinersisartukilleriarsimanera sunniuteqassanngilaq
Per Berthelsenimut qinersisartut ikiliarujussuarnerat Per Berthelsenimut sunniuteqarsimanngilaq, inatsisartunut isertut tamarmik ajugaasarmata, namminerlu tuppalliutigaa imminermut tatiginnillutik qinersisimammata.
Qineqqusaarnerup naammassilernerani Per Berthelsen partii Siumut sinnerlugu kissaatigaa Kuupik Kleist aamma Hans Enoksen ikiaroornartumik Hash-imik atuisuunersut paasiniarlugu quiisigut misissuiffigineqarnissaannik saqqumiussaqarnera. Per Berthelsenip taamatut kissaateqarluni saqqumiussaqarnera Siumut qinersisartuisa ikileriarnerannik ilaatigut patsiseqartoq Hans Enoksen sermitsiap nittartargaani oqaatigaa.
"Pasilliineq sangutitsineruvoq, Siumup oqariartuutigaa pisariaqartinneqassappat, kissaatigineqassappalluunniit, ikiaroornartumik inerteqqutaasumik atuisoqarpat, Siumumi tamanna ajornartorsitigineqanngimmat, Inuit Ataqatigiit tamatumunnga suleqataarusunnersut peqatiserineqarput, uanilu Kuupik ataatsimillunniit pineqanngilaq ", Per Berthelsen oqarpoq.
Siumup oqariartuutaa ajortumik isumaqanngilaq, kisiannili mamaatsortitsiniutitut pasilliilluni oqalunneq unitsikkumallugu periarfissaq taanna atorneqassagaluarpalluunniit Siumut peqataaginnarniarluni nalunaaginnarpoq Per Berthelsen oqarpoq.