Qinersisartoq qinersinngitsoortinneqarpoq

Nuummi qinersisartut ilaat Âlúnguak Olsen kommunalbestyrelsemut ippassaq qinersiartoraluarami qinersitinneqanngitsoorpoq, atia inuuialu atorlugit qinersisoqareersimammat.

- Tassa ippassaq katersortarfimmut qinersiartorpunga. Apukkama paasitinneqarpunga taasereersimasunga. Soorunalimi taana assorujussuaq tupaallaatigivara eqqumiigalugulu qanoq pisoqarsimasinnaaneralu assut paaserusutsallugu. Taava oqarpunga, naamik aatsaat tassa taasiartorpunga. Naamigooq tassagooq allutut ajornaqaaq taasisinnaanngilanga taasereersimagama, Âlúnguak Olsen oqaluttuarpoq.

Kukkusoqarsimanerarlugu oqarsimagaluarpoq:

- Taamaammat qinersisitsinermi akisussaasoq saaffigivara, taavalu orniguppoq paasiniaallunilu.

Taavali aterma nalaani krydsilerneqareersimasoq takutinneqareermat, oqarfigaanga tassa allatut ajornaqaaq taasreersimagavit tassa taaseqqissanngilatit.

Âlúnguak Olsen-ip inuup normuni kingulliillu sisamat ilanngullugit taasimagaluarnerarpai:

- Oqarfigineqarpungali nunap iluani qinersinerni taakku kingulliit sisamat atorneqarneq ajortut. Eqqumigiivara tujormigalugulu taana pisoq taamaattumillu paasiniaaqqippunga, taavalu oqarfigineqarpunga qinersinermi ataatsimiititaliamut allaganngorlugu maalaaruteqarsinnaasunga.

Âlúnguak Olsen borgmesterimut adresselerlugu maalaaruteqarsimavoq.

- Arfineq pingasunngortinnagu allagaq tunniuppara qinersisitsinermut nakkutilliisumut. Qulingiluanut tanneq sisamat missaani borgmesteri Agnethe Davidsen sianerpoq, ajuusaarutigalugu pisimasoq neriorsorneqarpungalu qinersinermi ataatsimiititaliap ataatsimiinnermini qaqikkumaaraa.

Nuummi qinersisitsisoq Franklin Høegh-Olsen oqarpoq qinersisitsisarnermi malittarsassat atuuttut naapertorlugit inuk kinaluunniit qinersivimmut takkussinnaasoq ateq inuuivillu taallugit taavalu qinersisinneqarluni. Inuillu qinersisut isikkuisigut aalajangerneqarneq ajormata inuk kinaluunniit qinersivimmut takkussinnaavoq qinersillunilu, taava inuk taama ateqavissoq kingorna qinersiartoraluarpat soorunami itigartinneqassaaq, qinersereersimasutut nalunaarsorneqareersimammat, Franklin Høegh- Olsen oqarpoq. Tassunga atatillugu tikkuarpaa Danmarkimi qinersisarnermi malittarisassat, tassa Danmarkimi qinersisartut valgkortimik, kalaallisuunngorlugu- qinersisinnaanermut piginnaatitsissummik nassinneqaqqaartarput, qinersiartornermi pinngitsoorani nassatassamik, valgkorti nassarneqanngippat qinersisoqarsinnaanngilaq.

Âlùnguak Olsen-ip naammagittaalliutaa qinersinermik siulersuisunit misissorneqassasoq, qinersinermilu siulersuisut akinissamut akisussaasuusut Franklin Høegh-Olsen oqarpoq.

Nuup kommuneani inuit nalunaarsimaffianni paasisagut naapertorlugit Nuummi Âlùnguak Olsen-imik atilik ataasiinnaavoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat