Qinersinissaq Danmarkimi ilinniartunit soqutigineqarluarpoq

Qarasaasiakkut nittartakkakkut Facebookikkut Danmarkimi kalaallit ilinniagaqartut taasinissaannut tinnersarneqarput.

- Ilinniartut akornini nuannarineqaqisumik Facebook aqqutigalugu quppersagaliorpugut taallugu Inatsisartunut qinersineq 2009.

Ilinniartut kajumissaarneqarput namminneerlutik qinersisinnaanermut nalunaarsuiffimmut nalunaaqqullugit, Danmarkimiluunniit immikkoortortaqarfeqarfimminnut attaveqaqqullugit.

Saaffiginninnitta kinguneraa ilinniartut 70-t missingi qinersiniarlutik nalunaarnerinik, iluatsilluartutullu Aqquluk Petersenip nalilerpaa.

- Maannakkorpiaq Avalak-mi 400-t missinginik ilaasortaqarpugut, Namminniilernissamullu taaserusullutik saaffiginnittut arlaqaalupput. Sinneruttut taakkuugunarput taasinissaminnut soqutiginninngitsut, isumaqarpungali soqutiginninneq annertusimasoq, Aqqaluk Petersen oqarpoq. Qinersinissamut atatillugu Avalaap ilinniartut qassit taasisimanersut, qanorlu taasisimanersut misissuiffiginiarpaa.

Iluatsillugu Avalaap aaqqissugaanik unnuit marluk partiit aallartitaannik oqallitsitsiniarpoq. Siuilleq Århusimi 20. maj, tullialu Københavnimi 19. maj ingerlanneqassapput. Avalaap nittartagaani paasissutissat sukumiinerusut atuarneqarsinnaapput.