Ullaaq radioaviisimi oqaluttuaraarput SMS-ikkut qinersinerup inernerigallagai mobiili atorlugu pissarsiarineqarsinnaasut.
Inu:IT-imi qarasaasialerisoq, Dan Rasmussen, tamatumunnga akisussaasoq, oqaluttuarpoq, ukioq kingullerli Inu:IT-ip SMS atorlugu Nuup Bussii kiffartuussimagai. Aatsaalli nuna tamakkerlugu taamatut kiffartuussineq misilinnialernerarpaat.
Inuit mobiilillit SMS-ikkut kiffaartuunneqarusukkunik ima allassinnarlutik ”info tilmeld” normumut 1950-mut nassiussissapput.
Taamaalillutillu inatsisartunut qinersinerup inernerigallagai KNR-imut nalunaarutigineqarsimasut kingulliit pissarsiarisinnaalissavaat.
Inu:IT-imit neriuutigineqarpoq siunissami SMS atorlugu kiffartuussineq KNR-imit atorneqarsinnaalissasoq. Soorlu inuusuttorsiutini aallakaatinneqartartuni, nutaarsiassaqartitsivinni, isumasiuinerni assigisaanilu atorluarneqarsinnaapput.
Inuit mobiilillit 144-t maannamuugallartoq qinersinerup inernerigallagaanik pissarserusullutik nalunaarsimapput. Taakku amerlissanersut Inu:IT-mit pissanganartinneqarpoq.
Tassa qinersinerup inernerigallagai pillugit inuit mobiilillit SMS-ikkut kiffaartuunneqarusuttut ima pissarsiarineqarsinnaavaat: ”info tilmeld” allariarlugu normumut 1950-mut nassiunneqassaaq.