Qinersinermi taasinerit ilanngunneqanngitsoorsimasut
Nuummi Innuttaasunut sullissivimmi allakkatigut taasinerit 41-it nassaarineqarput, taakku kukkunikkut piffissaq qaangiutereersoq, qinersinermi aqutsisumut tunniunneqarsimallutik, tassalu apriilip aappaanni kisitsisoqarneranut ilanngunneqarsimanatik.
Allakkatigut taasinerit 31-it Kommuneqarfik Sermersuumit pisuupput, ataaseq Qaasuitsup Kommuneanit, marluk Kommune Kujallermit aamma allat marluk Qeqqata Kommuneanit pisuullutik.
Taakku saniatigut Nuummi ilagiit sinniisaanut taasinerit tallimat aamma nassaarineqarsimallutik.
- Allakkatigut taasinerit misissoqqissaarneranni paasinarsivoq, qinersinermi taasinerit inernerinut kukkuneq qujanartumik aallanngortitsissanngitsoq, Kommuneqarfik Sermersuup allaffissornikkut pisortaanerigallagaa, Stine Johansen oqarpoq nangillunilu oqaatigalugu, tamanna ajuusaarnarluinnarmat aamma kukkuneq paasineqarniariartoq misissuisitsineq aallartissimasoq,. Stine Johansenip oqaluttuaraa.
Kommuneqarfik Sermersuumi Qinersinermi siulersuisut pisoq pillugu Qinersinermut Ataatsimiititaliamut ilisimatitsereerput.