Qinersinermi periusissat

Nunatsinni Savalimmiunilu Folketingimut qinersineq aamma februaarip 8-anni pissaaq. Tamanna ministeriuneqarfimmi aalajangerneqarsimavoq. Siornatigut nunatsinni Savalimmiunilu oqartussat namminneq aaajangersinnaasarpaat Folketingimut qinersineq ullormut allamut inissinneqassanersoq.

-Tamatumuunali inatsisikkut aalajangersarneqarpoq Folketingimut qinersineq naalagaaffeqatigiinni ataatsikkut ingerlanneqassasoq, naalagaaffiup sinniisaa Peter Lauritzen ilisimatitsivoq.

Folketingimut qinersisinnaapput kikkulluunniit 18-nik ukioqalereersimasut inuit allattorsimaffianni qinersinissaq ullunik 18-nik sioqqullugu nalunaarsorsimasut. Tassa januaarip 21-anni inuit allattorsimaffianni allassimasut februaarip 8-anni Folketingimut qinersisinnaapput.

Qanormi pisoqassava januaarip 21-ata kingorna Danmarkimiit nunatsinut nuukkaanni imaluunniit nunatsinnut Danmarkimut nuukkaanni?

-Assersuutigalugu februaarip 1-anni Kalaallit Nunaanniit Danmarkimut nuukkaani taava kommunip nuuffigisap allaffianut saaffiginnilluni nunatsinni qinigassanngortittut arlaat allakkatigut qinerneqarsinnaavoq, paarlattuanillu januaarip 21-ata kingorna Danmarkimiit Kalaallit Nunaannut nuukkaannni, kommunip nuuffigisap allaffianut saaffiginnilluni Danmarkimi qinigassanngortittut arlaat allakkatigut qinerneqarsinnaavoq, naalagaaffiup sinniisaa Peter Lauritzen nassuiaavoq.