Qinersinermi ajorsangaatsiaraluarluni tunuarumanngitsoq
Japanimi Overhusimut qinersisoqarmat partii naalakkersuisuutitaqartoq Det Liberale Demokratiske Parti, naatsunngorlugu LDP, ajorsarujussuarpoq, ministeriunerlu Shinzo Abe-p ajorsarnertik nassuerutigaa.
Taamaakkaluartoq tunuarniarani aamma nalunaaruteqarpoq. Overhusimi amerlanerussuteqarniaraanni inissat ikinnerpaamik 64-it tigummineqartariaqarput, Liberal Demokratilli 37-iinnarnik ilaasortaatitaqalerput.
Politikkikkut kusanaatsuliorsimanerit pissutaallutik Liberal Demokratit ajorsartinneqartut naliliisartut oqaatigaat.
Liberalit 1955-imili naalakkersuisuutitaqartuaannangajakkaluarput, maannali tassa ajorsartinneqarlutik.
Partii ajugaasoq tassaavoq Det Demokratiske Parti, inissat 121-usunit 61-it pissarsiarigamikkit..