Qinersineq sioqqullugu Kattusseqatigiit partiinngorusupput

Kattusseqatigiit partiinngornissartik siornali aalajangiuppaat. Inatsisartunut massakkut qinersigaluttuarneq sioqqullugu Kattusseqatigiit suli partiinngorsimanngillat, taamaattorli partiinngorniarsartik massakkut angumeriniarsarivaat.

Kattusseqatigiit siornali septembarimi ataatsimeersuarnerminni aalajangerput paartiinngussallutik. Aalajangernermit ukioq ilivitsunngortorlu inatsisartunut qinersisoqarnissaa suaarutigineqarpoq. Kattusseqatigiit paartiinngorniarnissaminnut atsiortsinitik naammatsinniarsaraat, maannamut 910- 920-llu akornanni atsiortitsoqarsimalluni. Kattusseqatigiit qinigassanngortittut partiinut pituttorsimanngitsut ataasiakkaat suleqatigiiffiattut maannamut atuussimavoq ukiunili kingullerni qinersisarnerni taaguunneqartarnerat annikilleriaateqarsimalluni, partiinngornissamut tunngavitsik Anthon Frederiksen-ip ima nassuiaateqarfigaa:

- Kattusseqatigiit partiitut inissisimannginnerput pissutigalugu qinersinerni tamani atsiornerpassuarnik katersueqqaartariaqartarsimavugut, tamannalu nukippassuarnik piffissarujussuarmillu naleqartarsimavoq.

Anthon Frederiksen oqarpoq Kattusseqatigiit partiinngortinneqarnissaat nukittorsaanermik aamma tunngaveqartoq.

- Partiit allat inatsisitigut pisinaatitaaffi aamma tigorusullugit partiinngorniarpugut.

Kisianni tassa aamma ukiuni marlussunni kingullerni Kattusseqatigiit sinnerlugit sassartartut ilaat partiinut allanut nussimapput Athon Frederiksen:

- Isumaqarpugut partiinngornikkut tamanna pinngitsoortinniarneqarsinnaasoq.

aamma oqarpoq Inatsisartunut qinersinissamut maanna piareersimallutik, qinigassanngortitassamilli amerlassusaat suli aalajangiunneqarsimannginnerarpaa. Inatsisartut qinersineq pillugu inatsisaanni allassimavoq kingusinnerpaamik sapaatip akunnerinik tallimanik qinersinissaq sioqqullugu partiimik pilersitsisoqarsinnaasoq. Massakkut Inatsisartunut qinersinissaq sioqqullugu partiiliussagaanni kingullermik qinersisimasut 31.000-it missaanniittut 31-rarterutaasa atsiornerinik Kattusseqatigiit katersisimasariaqarput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat