Qinersineq assoralisimaarfik
Marlunngornerup ullaavani qinersisartunik ataatsimiisitsinerit tv-kkullu ilanngutassiat ulapputigineqanngillat, Nuummili Katuap saavani allagartarsuup napparnissaa ulapputigineqarluni. Persersoq ataasiinnarmillu ikiorteqarluni Frederiksenip allagartarsuaq tingitaaqqunagu aalajangersorpaa. Partiit qinigassanngortitaasa nuimanerit partiillu siulittaasuisa tamakku nalinginnaasumik suliarineq ajoraluarpaat, Anthon Frederiksenili qiimarpaluppoq aammalu allagartarsuup aalajangersorniarnerani assiliisumut qungujunnissani piffissaqarfigalugu.
Qinersineq manna politikkikkut sulinerup pissanganartup naggatissarisinnaavaa. Frederiksen Ilulissani borgmesteriusinnarluni nunatsinni naalakkersuisut akornanniilerpoq qinigaaffimmilu kingullermi ilaatigut avatangiisinut naalakkersuisuulluni. Anthon Frederiksen inuulluaqqussarneripput qinersisartut aalajangigassaraat, Kattusseqatigiit Partiiatali 920-t missaannit taaguunneqarnissani pisariaqartissavaa, aviisilli, oqallinnerit facebookimilu qinersisartut isumaannik misissuinerit Anthon Frederiksenip partiiatalu Inatsisartunut isertitaqarnissaannik tikkuussinngillat.
