Qinersineq akisooq!

- Qinersineq akisoqaaq, aningaasat allamut atortariaqarput. Piffissaanngitsukkut qinersisoqarnissaa pinaveersimatinniarlugu Hans Enoksen taama oqaasinnaaqaraluarpoq.

Qinersinerli qanoq akeqaqaa? Tamanna pillugu radio aviisimiit misissuivugut.

Ineeqqat taasiffiusussat ikkussornissaat, katersortarfiit attartorneri, allagartat taasissutissat naqititerneri, tamakku tamarmik naleqarput. – tamarmillu inissititernissaannut aningaasat 3 en halv millionit koruunit missaat atorneqassasut, Naalakkersuisut allattoqarfianiit Jørgen Birk Olsenip oqaatigaa.

Partiit qinersisoqalersillugu aningaasanik qinnuteqartarput, taakku 3 millionit sinnerlugit naleqartut, qaavatigut siuliani aningaasat taasagut tapissutaapput.

Aningaasallu ilaat halv millioniusut allagartanut taasissutissanut naqiterisitsinermut allanullu qinersinermi atortussanut atorneqartussaallutik. Taakkulu tamarmik sinerissamut nassiussornissaat aammattaaq naleqarpoq.

Kingullermik qinersisoqarmat allagartat taasissutissat sanaartornerat 354.000 koruuninik naleqarsimavoq.

Allagartalli taasissutissat kisimik qinersisoqartillugu aningaasartuutaasussaanngillat, aammali ineeqqat taasiffiusussat aammalu karsit taasissutinik ikisiffiusussat ikkussorneqartussaapput.

Kommunilli aningaasartuutissanut tamakkununnga atuingaatsiartarput. Kommunillu annerit misissuiffigaavut:

Nuummi qinersisoqarnissaanut aningaasat 137.000 koruunit atorneqassasut Nuup kommuniani aningaasaqarnermut pisortap Morten Kalkep oqaatigaa.

Ilulissani borgmesteri Anthon Frederiksen mianersortunnguamik oqarpoq, qinersisoqalersillugu aningaasat 50.000 koruunit missaat immikkoortittaritik.

Kommunelli tamarmik qinersinerni aningaasartuutigisartagaat tamaasa Kanukokap ilisimavai.

Taakkuli tamakkerlugit ullo´qeqqalernerani tunniunneqarsinnaasimanngillat.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat