Qinersineq aallartippoq
Inatsisartunut qinersineq aallartippoq!
Else Olsvig Nummi Katersortarfimmiippoq, qinersinerullu aallartinnera ima oqaluttuaraa.
Inatsisartunut qinersineq 2005 nalunaaqutaq qulingiluanngortoq Nuup kommuneani qinersinermik aqutsisup Martha Abelsen-ip qinersineq ammarpaa. Qinersisitsisoq oqalugiarpoq tamatumalu kingorna allakkanut nakkartitsiviit imaqanngitsut qinersisartunut takutinneqarput, qinersinerlu taamaasilluni aallartissinnaanngorpoq.
Nuup katersortarfia inunnik qannilluinnarpoq, qinersisartorpasssuit qinigassanngortittorpaalussuillu takkussimasut.
Qinersisullu siulliit allagartaq qinersivitsik nakkaatitsivimmut maanna ikereerpaat.
Nunarput tamakkerlugu qinersiviit 8-it ammarput, qinersisinnaasullu 38.000-it 39.000-illu akornanniittut, qinigassaanngortittut katillugit 223-it akornanni ataatsimik ullumikkut qinersinissamut periarfissaqarput.
Partiit Siumut, Inuit Ataqatigiit, Atassut, Demokraatit kiisalu Kattusseqatigiit Partiiat qinigassanngortitaqarput, taakkualu saniatigut attaviitsunik aamma sassartoqarpoq.
Tunumi Illoqqoortormiut kommuneanni qinersineq
Kitaani nalunaaqutarput malillugu ullaaq arfineq marlunut ammarneqarpoq, taavalu akunneq ataaseq ingerlareersoq qinersisitsisoq Simon Kunnak oqarpoq Illoqqortoormiuni qinersisinnaasunit 337-init 3,9 procentit qinersiartoreersimasut, Illoqqortoormiuni sila Simon Kunnaap assut qinersivissaqqinnerarpaa, qinersiartukaasorqarluarnerarlugulu.
Nuummi sila taqqama assut qinersivissaqqippoq, neriuppugullu sinerissami qinersiviit allat aamma taamaakkumaartut, qinersisartut tamassi qinersilluarnissaannik kissaappavut.
