Qinersiartortut ikileriarput
Sumiiffiilli ilaanni qinersiartortut amerlasimapput. Illoqqortoormiuni qinersisartut 83 procentii qiniarsiartorput, Maniitsumi 62 procentit Sisimiuni 58 procentit qinersiartorlutik Nuummilu Kalaallit Nunaanni qinersisartut amerlanerpaaffianni qinersisartut 54 procentii taamaallaat qinersiatorlutik.
Poul Christensen Nuup qinersiviani aqutsisoq oqarpoq qinersiviup Katersortarfimmiit Inussivimmut nuunneqarnera qinersiartortut ikinnerunerannut pissutaaqataasimassasoq:
- Nuummi Katersortarfik atorunnaarneqarpoq, qinersivillu Inussivimmut nuunneqarluni. Taanna illoqarfiup qeqqata ungatinnguani inissisimammat qinersisartut ikinnerunerannut ilaatigut pissutaasimasinnaalluni, Poul Christensen oqarpoq, nangipporlu:
- Qinersisartortut 100 procentiunissaat qinersinermi aqutsisup soorunami kissaatigisinnaavaa. Oqartussaaqataaneq, akisussaaffimmillu tigumminnittup ersarissumik paasisinnaasariaqaraluarpaa siunissartik nammineq aalajangiisooqataaffigisinnaagamikku, Nuup qinersiviani aqutsisoq.
