Qinersiartorsimasut 2005-imut sanilliullugit ikileriarsimapput

Kommuninut qinersiartortut 2005-imi qinersiartortunut sanilliukkaanni ikinnerupput. Qinersivinnut paasiniaanitta tamanna paasinarsisippaa.

Kisitsisit ualikkut nalunaaqutaq tallimaneersut takutippaat kommuninut qinersiartorsimasut 2005-imi qinersinermut sanilliullugit ikinnerusut.

Aasianni qinersiartorsimasut 2005-imut sanilliullugit ukioq manna ikinnerungaatsiarput.

2005-imi qinersisoqarmat kisitsisit alakkarteraanni paasinarpoq ualikkut nalunaaqutaq tallimanut qinersiartorsimasut 53,9 procentiusimasut. Aasianni ukioq manna qinersiartortut nalunaaqutaq tallimanut 36 procentiusimapput.

Nuup Kommuneata qinersiviani tallimanut qinersiartorsimasut 2005-imi 43,4 procentiupput, ukioq mannalu 37 procentiullutik.

Upernaviup Illoqarfittaani qinersinermi 2005-imi ualikkut tallimanut qinersiartorsimasut 51,7 procentiusimariarlutik, ukioq manna ikinnerulaarlutik 45 procentiupput.

Maniitsumi nalunaaqutaq tallimanut 2005-imi qinersiartorsimasut 51,6 procentiusimariarlutik ukioq manna 50,5 procentiupput.

Narsami qinersiartortut aamma ikilerialaarput, 2005-imi 67 procentiusimariarlutik ukioq manna 64,6 procentiusimammata.

Qaqortumi ukioq manna qinersiartortut 2005-imut sanilliullugit allannguuteqarsimanngillat, nalunaaqutaq tallimanut qinersiartorsimasut 60 procentiusut ukioq manna aamma 60 procentiummata.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat