Qinerseriaaseq tuluit allanngortinnialerpaat
Tamanna aappaagu maajip tallimaani pisussatut naatsorsuutigineqarpoq, ulluliinerlu Nick Clegg-ip partiianut liberaldemokratiusunut ajugaanertut isigineqarsinnaavoq, DR-ip tusagassiisartua Jacob Illeborg Londonimiit nalunaarpoq.
- Qineqqusaarnermi kingullermi qinerseriaatsip allanngortinnissaa Nick Clegg qineqqusaarutigaa, naalakkersuisooqqatigiillu qanoq attartutiginissaanik kiisalu konservatiivit David Cameronillu siusissumik innuttaasunit taasissutigineqarnissaanik Nick Cleggip piumasaa akuersaassaneraat tamanna misiliinertut isigaat.
Cleggip piumasani pivaa naalakkersuisooqatigiillu taakku marluk akunnerminni attaviat nukittorsarneqarpoq. Qinerseriaatsip allanngortinnissaanik konservatiivit akerliusutoqaagaluarput.
Qinerseriaatsip allanngortinnissaanik qinigassaq ataasiinnaanngilaq, tamannalu ajornartorsiutaasinnaavoq, tassami innuttaasorpassuit ataasiinnarmik qinigassaqarnissartik piumanerugaluarpaat, konservatiivineersoq parlamentinut ilaasortaq oqarpoq.
Maanna qinerseriaatsip partiit annerit salliutittarpai tamannalu ullutsinnut naleqqukkunnaarsimavoq.
Qinerseriaatsip allanngortinnissaanik qinersisartut 62 procentiisa upernaaq maajimi piumasaraat, qinersivimmulli iserunik taamatut isumaqaannarnissaat qularnarpoq.
Qinerseriaatsip allanngortinnissaanik oqallinneq allanik pingaarnernik saqititsivoq, soorlu aningaasarliorneq. Qinerseriaatsip allanngortinnissaanik soqutiginninneq innuttaasut soqutigivallaarunanngilaat, Daniel Kowsinski oqarpoq.
Ministeriunerup innuttaasunik taasisitsinissaq neriorsuutini eqquutsippaa allannguisoqassappallu tamanna pissaaneqarnerup agguataagaanera nikisinneqassaaq, taamaassappallu Nick Cleggip partiianut Liberal Demokratinut partiinullu allanut minnernut iluaqutaassaaq.
Inunnik taasisitsinissaq marlunngorpat tamanut saqqummiunneqassaaq.
