Qinerseqqittoqarnissaa akueraa
Kenyami præsidentip, Mwai Kibakip ungasinngitsukkut præsidentimut qinersigaluarneq atorunnaarsillugu qinerseqqittoqarnissaa ullumi akueraa.
Taamaattorli Kibakip aamma naqissuserpaa qinerseqqittoqarnissaa nunap eqqartuussiviisa aalajangigassarigaat.
Allattoq Mads Lynge
Nobelip nersornaasiuttagaanik nersornaaserneqarsimasup, Afrikami Kujallermi naalagaaffimmeersup, biskoppiunerup Desmond Tutup Kibaki ullumi Nairobimi ataatsimeeqatigereernerata kingorna oqarpoq, Kibakip naalakkersuinikkut illuatungiliuttut, Odingap siuttuuffigisaasa naalakkersuisooqatigilersinnaanerat ammaffigigini.
Kenyami qinersisoqareernerata kingorna aattaqaqisumik perulluliortarnerit inuit 300-t inuunerannik naleqarput.