Qinerseqqinnissaq ajorinngilaa
Sisimiuni borgmesteritut inissisimagallartup Hermann Berthelsenip Sisimiuni qinerseqqinnissaq naammagisimaarnerarpaa.
Apriilip tallimaani kommunemut qinersisoqarnerani, parteeqataa Malik Berthelsen 215-nik qinigaalluni kommunemut iseraluarpoq, ullormili qinersivimmi paasineqarpoq ukiumi kingullermi affarmi, Malik Berthelsen nuatsinni najugaqarsimasutut inuit allattorsimaffianni allassimanngimmat qinigaasinnaananilu qinersisinnaanngitsoq.
Taamaammat qinersinermut ataatsimiisitaliaq aalajangerpoq Sisimiut kommuneani qinerseqqittoqassasoq.
Taamatut aalajngertoqarnera ajunngitsoq Hermann Berthelsen oqarpoq.
- Iliuutsigut tamaavimmik qinersinermut ataatsimiisitaliaata aalajangernera aallavigalugu ingerlanneqarput, taamaammat massakkut qinerseqqittussanngoratta, isumaqarpunga qularnaatsumik taamaalilluni kommunalbestyrelsessaq sulisinnaalissasoq. Aamma siumukkormiuninngaanniit qinersinerit 215-it allamut tunniunneqaratik taamatut pineqarnera ataqqivarput, Sisimiuni borgmesteriugallartoq Hermann Berthelsen oqarpoq nangillunilu, majip pinajuani qinerseqqittoqarnissaani qanoq inerneqarnissaa nalulluinnarparput, qinersisartut tamanna aalajangissavaat, Hermann Berthelsen naggasiivoq.
