Assi: Maasi Pedersen/KNR

Qinerneqarnerpaaq Hammondi tulluusimaaqisoq

Siumumiit Aleqa Hammond atugai assigiinngissimaqaat, maannalu politikkimut uteqqippoq.

Aleqa Hammondip Folketingimut qineqqusaarnissaa saqqummermalli ukkataaqalunilu oqallisaaqaaq, ukiunilu tulliuttuni sisamani kalaallit nunaat sinnerlugu folketingimi ilaasortaanissaa ippassaq tassa qulakkeerneqarpoq.

- Nuannaaqaanga qinigaanersaallunga folketingimut isertussanngorama aamma isumaqarpunga inuiaqatigiit erseqqittorujussuarmik oqariartortut, Aleqa Hammand oqarpoq.

 

Ingerlaannarpoq

Aningaasanik atornerluisimanermut tunngasoq, politiinut tunniunneqarneq, parteeqatiniillu akerlerineqarnerit pisimapput, Hammondimullu tamakku uppissutaanngillat, tassami 3745-nit qinerneqarpoq, qinersinermilu ajugaanersaalluni folketingimut ilaasortanngorluni.

Aamma atuaruk IA Siumullu qinersisartut avikkaat

- Nangiarlunga pissuseqanngilanga, aamma imminut tatiginngittutut pissusilersorneq ajorpunga. Ingerlaffiga qaamasuutillugu upperalugulugu ersissutissaqarnangalu ingerlaffissaqarpunga siumukkormiut anersaavat pigigakku, Aleqa Hammond taama oqarpoq.

 

Ataasinngorpat sulilissapput

Partiip Siumup siulittaasua Kim Kielsen partiillu allattaanera Mikael Petersen peqatigalugit ataasinngorpat Københavniliassapput, sulinissarlu tullinnguutissaaq.

Aamma atuaruk Aaja taasisut ikitsut tunuliaqutarigai

- Ataasinngorpat siulittaasoralu aammalu allattaanerput peqatigalugit Københavniliassuugut, tassanilu Siumup Folketingimi nipaa erseqqarinnerpaaq nukittunerpaaq qulakkeerniarlugu isumaqatigiinninniarnerit aallartissuagut, Siumut sinnerlugu Kalaallit Nunaannit folketingimi ilaasortanngortoq, Aleqa Hammond taama oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat