Qineqqusaarutit aallakaatiffissaat piareerput
Folketingimut qinersinissamut atatillugu partiit qineqqusaarutiminnik saqqummiussinissaasa tulleriinnissaat piareerpoq.
Ilisaritinneri januaarip 30-ianniit februaarip 3-at ilanngullugu KNR TV-kkut aallakaatinneqartassapput, unnukkut nal. 19.10-19.25. Ima tulleriinneqassapput:
Atassut sap. 30/1, Siumut ataas. 31/1, Inuit Ataqatigiit marl. 1/2, Demokraatit ping. 2/2, kiisalu Kattusseqatigiit sis. 3/2 ilisaritissallutik.
Radiukkulu ilisaritinnissat aallakaatinneqartassapput nal. 18.15-18.30, partiillu ima tulleriiaarneqarput:
Kattusseqatigiit sap. 30/1, Demokraatit ataas. 31/1, Atassut marl. 1/2, Inuit Ataqatigiit ping. 2/2, Siumut sis. 3/2.
Qinigassanngortinniarluni nalunaarnissamut killigititap tungaanut kisimiilluni qinigassanngortittoqassappat taakku tamarmik immikkut 5 min. periarfissinneqassasut, KNR-ip aallakaatitsinermut pisortaa Naja Paulsen ilisimatitsivoq.
