Qineqqusaartut Sisimiunut tikipput
Qinersisartunik ataatsimiisitsineq Sisimiut timersortarfiani pisussaq kalaallisut arfineq-pingasut qeqqanut aallartissaaq, 21.15-ilu naammassineqassalluni. Qallunaatoortaa qulinut qiteqquppat aallartissaaq, aqqanermullu naammassissalluni.
Allattoq Elisa Isaksen
februaarip 14-at 2013 13:02
Partiit qinigassanngortitaqartut peqataatitaqassapput, isiginnaartartullu sinerissamiittut Ilulissani ippassaani periaaserineqartutuulli Facebook aqqutigalugu apeqquteqarsinnaassallutik.
Taama nutaaliornermi ataatsimiititsinermi siullermi marlunngormat ingerlanneqartumi inuit 276-it atorsimavaat.
Facebook.com/qinersineq iserfigalugu apeqquteqartoqarsinnaavoq.
Apeqqutigineqartullu ilaat, qinersisartunik ataatsimiisitsinerup ingerlanerani Sisimiuni timersortarfissuarmi isiginnaariat apeqqutigisaasa saniatigut qinigassanngortittunut apeqqutigineqassapput.
Unnugu nalunaaqutaq 19.30 malinnaagit, partiillu sunik oqariartuuteqarnersut paasisaqarfigalugit.
