Qineqqusaartussat akissarsiaqaratik sulinngiffeqartalissapput
Pisortaqarfinni sulisut siunissami politikkikkut qineqqusaassagunik akissarsiaqaatigalutik sulinngiffeqartarnerat pisinnaajunnaassaaq.
Apeqqut pillugu Demokraatit sinnerlugit apeqquteqaateqarluni allagaqartoq, Per Skaaning Naalakkersuisut siulittaasuanit Hans Enoksen-mit akineqarnermini allaqqasoqarpoq.
Namminersorneq pillugu isumalioqatigiissitap isumaliuutissiissutaani inassutigineqarpoq, politikkimut tunngassuteqartuni qineqqusaartarnerni, aningaasarsiaqaatigaluni sivisuumik sulinngiffeqartarnerup atorunnaarsinneqarnissaata anguneqartussatut allassimanera pillugu, Per Skaaning apeqquteqaateqarpoq.
Hans Enoksenip akissuteqarnermini allappoq sivisuumik akissarsiaqaatigaluni sulinngiffeqartarnerup siusinnerusukkut nalunaarutigineqartarnissaa pisariaqartoq, taamaalisoqassappallu ukioq ataaseq sioqqullugu nalunaartoqartalernissaa piumasarineqassasoq, siunissamilu qineqqusaartartussat akissarsiaqaratik sulinngiffeqartalissapput.
