Qimuttut qimaannarneqartarput

Qimuttut sukkaniunnerni atorneqarsimasut ilaat inuttaminnit illoqarfimmi tikeraarfigisamit qimaannarneqartarput. Tamanna Ilulissani Qasigiannguanilu qimmilerisunit malugineqartarpoq.

Qimmuttut, qimussimik unammersuarnermi qimaannarneqartarneri, perlerlutillu toqorartarneri, uumasut nakorsaata Marit Holm-ip ullo´qeqqanut radioaviisimi eqqaavaa.

Qimmit qimaannarneqarsimasut qaqutiguinnaq takussaasartut, Qasigiannguani Ilulissanilu qimmilerisut malugisarpaat.

Siullermik Ilulissani qimmilerisoq, Jørgen Larsen ima oqaluttuarpoq.

- Illoqarfiup avataaneersut qimmiinik qimaannakkanik naammattoorsikkajunngilagut. Sukkaniuttoqareeraangat misissuataartarparput, qaqutiguinnarlu qimmit qimaannarneqarsimasut naammattoortarpagut. Aamma inuttasut aallartussaatillutik, qimmitik tiguneq ajulersinnaasarpaat, kisianni qaqutigoorpoq.

Avannaata Qimussersuaqarneranut atatillugu uumasut nakorsaata qimmit pituutaannik kipisiinnartoqartarneranut atatillugu uparuaanerani, Qimusserartut kattuffianni siulittaasoq Mikkel Jeremiassen ima ullo´qeqqanut radioaviisimut oqarpoq.

- Perlerlutik qiullutillu toquinnartarnerat, uanga taanna ilisarisinnaanngilara. Kattuffik 1998-imiili aarlartimmat, suliassanik taamaattunik takusimanngisaannarpunga, Mikkel Jeremiassen, qimussertartut kattuffianni siulittaasoq taama oqarpoq.

Qasigiannguani qimmilerisoq, Tobias Nathanielsen ima oqaluttuarpoq.

- Pituussaaginnaqqasut kingornatigut angalaaginnaleraangata inuttassaarunneqaraangatalu toquttarpagut, kisianni amerlagisassaanngillat.

Qasigiannguani qimmilerisoq Tobias Nathanielsen taama oqarpoq.