Qimuttut naalliutsissimasorineqarput

Qimuttut 100-t missaat nunamut matoorutiinnakkat qallorlugit uumasut nakorsaannit ilisimatuunillu nunanit tamaneersunit misissorneqarnialerput, taakku naalliutsillugit toqorarneqarsimasorineqalermata.
Allattoq Carla Davidsen
maajip 01-at 2011 22:00

Qimmit Canadami naalagaaffiit ilaanni Britisk Colombiami matoorunneqarsimapput, suminngaanneernersulli suli paasineqanngilaq.

Uumasunik illersuiniaqatigiiffik, SPCA, qimmit naalliutsinneqarnerinik toqorarneqarnerinillu tusarsimavoq, qimuttorpassuillu matoorussaaffiat nassaarisimallugu, Britisk Colombiami sisorariartarfissuup tusaamasap, Whistlerip, ungasinngisaani.

Aviisimi Canadian Pressimi allaaserineqartut naapertorlugit, uumasut nakorsaat, uumasut uumasoqatigiillu pissusiinik misissuisartut ilisimatuullu qimminik matoorutiinnakkanik qalluinermi  ikiuutissapput, qmuttut kingorna misissorneqassapput, qanoq ilillutik qangalu toqorarneqarsimanersut paasiniarlugu.

Qimmit matoorussat aqagumiit qallorneqalissapput, suliarlu 1 millionit koruunit sinnerlugit akeqassaaq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq