Qimuttuitsut toqunartumik usillit uppissimapput

Qimuttuitsut assartuutit toqunartumik fosfor-imik ulikkaartut Ukraine-mi ajutoorsimapput ikuallalersimallutillu.

Qimuttuitsut qamutaat 15-nit fosforimik imerpalasumik imallit ajutoornermi akuupput, pujorsuarlu toqunartulimmik akulik 90 kvadratkilometerimik annertussusilik sumiiffimmi siaruaatilersimavoq.

Inuit 800-ut ajutoorfiup eqqaaniittut qimarngusuunneqarsimapput, inuillu 14-nit putsumik toqunartulimmik najuussuinermi kingorna napparsimmavimmut unitsinneqartariaqarsimallutik.

Taama tusagassiivik Ritzau allappoq.

Tjernobylimi atomimik nukissiorfik 1986-imi ajutoornerata kingorna, ullumikkut ajutoorneq, toqunartunik akulinnik ajutoornerit annersaraat.

Ukraine-p nunami pissutsinut ministeria Aleksander Kusmuk-ip ajutoorneq ajunaarnersuartut nalilerpaa.

Inuit ajutoorfiup, eqqaanilu najugallit 11.000-upput, nunaqarfippassuilli toqunartumik siaruaakkiartortoq pillugu suli nalunaarfigineqarsimanngillat.