Qimuttuitsut kigaallassaataat kaannganngitsoorsimavoq
Ajutoornerit pillugit ataatsimiitaliaq isumaqarpoq, qimuttuitsut kalitaat kingulleq ikkunneqarmat qimuttuitsut kigaallassaataat, tassa qimuttuitsut aqqutaannit kaanngannginnissamut kigaallassaat, kaanngartoorsimasoq.
Danmarkip Radioata nittartagaani tamanna ullaaq manna atuarneqarsinnaavoq.
- Kigaallassaalli qanoq ililluni kaanngarsimasinnaava, tassa apeqquterujussuaq, ataatsimiititaliap immikkoortortaani pisortaq, Kurt A. Olsen, oqarpoq.
Qimuttuitsut kalitaat illumut allaffeqarfiusumut apornissamik tungaanut kilometerit arfineq-pingasungajaat ingerlasimapput. Inuit pingasut ajunaarput, allallu pingasut aqqunartiterujussuarnermikkut inuunerat navianartorsiorpoq, napparsimmavimmilu uningapput.
Qimuttuitsut kalitaat marluk imaanut nakkarput, taakkulu qaqinniarnerat ullaaq iluatsippoq, misissorneqarsinnaanngorpullu. Misissorneqareerpata neriuutigineqarpoq ajutoorneq qanoq ililluni pisimanersoq paasinarsissasoq.