Qimuttuitsut aqqutissaat ikaartarfik nakkaattoorpoq

Indiami ikaartarfiliortoqartillugu ikaartarfiliaat nakkaammat sulisartut tallimat ajunaarput.

Ikaartarfik illoqarfiit pingaarnersaanni New Delhimi nunap iluatigut qimuttuitsut nutaamik aqqutissaannik sanaartornermut ilaavoq.

Qimuttuitsut nunap iluatigut aqqutissaannik sanaartortut oqaaseqartitaata oqaatigaa, ajunaartut saniatigut 14-it ajoquserneqartut, illoqarfiup kujasinnerusortaani ikaartarfissap sukaasa arlallit uppikaanerisigut.

- Ajutoornermut pissutaasoq misissoqqissaaleruttorparput, oqaaseqartitaq oqarpoq.

Ikaartarfissap nakkaanneratigut ruujorip erngup aqqutaata qaartoorneratigut ajutoorfimmi saliiniarneq ajornartorsiortinneqarpoq. Illoqarfiup ilaani tamaani innaallagissamik pilersuineq qaminneqarallarpoq aqqusinikkullu angallanneq allakkoortinneqalerluni.

New Delhimi Nunap iluatigut qimuttuitsunik angallanneq 2002-mili atorneqalerpoq, aqqutissaallu nutaaq ukiamut ammarneqartussaagaluarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat