Ritzau Nunanit allanit

Qimussimik sukkaniunnersuarmi Norgemiu ajugaarujussuartoq

Norgemiu 31-nik ukiulik Joar Leifseth Ulsom Norgep avannaani Rana-meersoq Alaskami nunarsuarmi qimussimik sukkaniunnerit tusaamasaanersaanni Iditarodimi pingasunngornermi ajugaasuuvoq.

Allattoq Ritzau

marsip 14-at 2018 15:20

Nutserisoq Erna Lynge

Sukkaniunnermi 1600 kilometerisut isorartussusilimmi Ulsomip frankrigimeersoq Nicolas Petit nakkutiginniffimmut Elimimukartilluni persersumi tammartarjaarnerani qaangersimavaa.

Tamatuma kingorna norgemiu qimminilu arfineq pingasut apuunnissami tungaanut siuttuuginnarpoq.

- Apuulluaratta paasiuminaapporluunniit. Silarsuaq allaavoq, Ulsom Daily News naapertorlugu Anchoragemut apuukkami taama oqarpoq.

Aallarami 16-inik qimmeqarpoq, ullulli qulingiluat akunnerillu aqqaneq marluk qaangiuttut Nomemut apuukkami arfineq pingasuinnarnik qimmeqalersimavoq.

- Naammassisaq annertoorujussuuvoq, Oslomi inuit nuimasut arlallit - taakkununnga ilaalluni kulturministeri Trine Skei Grande - pilluaqqussutiminni taama allapput.

AAMMA ATUARUK Dopede slædehunde i Alaska under opsyn

Ulsommi aqqaniliinnarnik ukioqarluni qimmitaaqqaarpoq, taamanimiillu sungiusartarsimalluni, ajugaarujussuartoq taama oqaluttuarpoq.

Norgemiu alla Robert Sørlie 2003-mi 2005-milu nunaqqammini siullersaalluni Iditarodimi ajugaasuuvoq.

Sukkaniuttut 67-iullutik marsip sisamaanni Willowimiit aallarput.