Qimussimik sukkaniunnerit sakkortunersaat aallartippoq

Iditarod, nunarsuaq tamakkerlugu qimussimik sukkaniunnerit sakkortunersaannik taaneqartartoq, Alaskami Anchorage-imi sapaatip-akunnerata naanerani aallartippoq.
Allattoq Carla Davidsen
marsip 02-at 2014 15:38

Nalliuttorsiualaarnermik sapaatip-akunnerata ingerlanerani pisoqarpoq, ippssaq ilanngullugu, sukkaniunnersuarli ullumi aallartinneqarpoq.

Katillugit 69-it peqataapput, 19-it arnanik qimussersoqarlutik. Arnat qimussersut Alaskami taaneqartarput: Mushers.

Ingerlaarfissaat 1.600 kilometerinik isorartussuseqarpoq, naallu Anchorage-imiit Alaskap qiterpasissuani naggueqatigiit Inuit najugaqarfiata, Nome-p, tungaanut ukiut tamaasa pisaraluartoq, aqqut ukiut tamaasa allanngulaartinneqartuartarpoq.

Qaqqat uiguleriit ukioq-manna aqqusaarneqassapput, USA-mi qaqqat portunersaat, The Alaska Range, taakkununnga ilaalluni, aamma kuussuaq Yukon aqqusaarneqassalluni.

Holdit tamarmik aallalernerminni 16-inik qimmeqassapput, utimut tikinnerminni ikinnerpaamik arfinilinnik qimmeqassallutik.

Qimussimik sukkaniunnersuaq, 1973-imi aallarteqqaartoq, assigiinngitsunik oqaluttuassartaqarpoq. Ilaat oqartarput, qimuttut issittumi atorneqartarnerat qamuteralannik atuinermit ajunnginnerujussuummat taama sukkaniuttoqartalersoq.

1973-imiilli sukkaniunnersuaqartalermat qimussersoq sukkanerpaaq ulluni arfineq-pingasuni qimusserpoq, arriinnerpaaq ulluni 20-ni qimusserluni.

Aqqutissaat ukioq-manna pitsaavallaanngilaq, silap pitsaavallaannginnera pissutigalugu, qimussersorli siulleq ullut qulingiluat/qulit qaangiuppata apuutissangatinneqarpoq.