Qimussinik sukkaniulluni nunatsinni pissartanngorniunneq Sisimiuni naammassineqarpoq. Ajugaasuuvorlu Uummannap eqqaani Saattormiu Thomas Thygesen, taanna pokalinnannermi saniatigut 10.000 koruuninik aamma akissarsivoq.
Sukkaniunnerup nalaani sila silagissimasoq unnersiutigineqarpoq inuillu 3000-t missaanniittut isiginnaartoralugit qimussimik sukkaniuttut 43-t unammipput, taakkulu qimmii katillutik 641-uusut oqaatigineqarpoq.
Qimmit sungiusarluarneqarsimasut apuuffissap tungaanut 40 kilometerisut isorartutigisumik unamminermi ingerlaartinneqarput.