Assi: KNI A/S

Qimussimik sukkaniuffiusartut nutaat marluk

Kalaallit Nunaanni qimussimik sukkaniuttarnerit sumiiffinni arlalinni unammissutigineqartalissapput. Upernariartornerani sumiiffinni marlunni siullermeerluni pisortatigoortumik sukkaniuttoqassaaq.

Avannaata Qimussersuani Ilulissani marsip ulluisa 24-ani unammersuartoqalerpat, Qaanaami Tasiilami taakkualu nunaqarfiini qimussertartut peqataanissaminnut periarfissaqanngillat.

Kalaallit Nunaanni Qimussertartut Katuffiat, Mikkel Jeremiassen oqarpoq.

- Pingaartumik Tasiilami taakkualu nunaqarfiini Avannaata Qimussersuanut peqataarusuttaraluarlutik, imaaliallaannaq Avannaata Qimussersuanut peqataasinnaannginnerat qatsunnarsivoq, taamaammat arlaatigut qanoq iliuuseqartoqartariaqalermat, Avanersuarmi

Tunumilu qimussimik sukkaniulluni aaqqissuussinermik aallartitsisoqartariaqarmat Kalaallit Nunaanni Qimussertartut Kattuffiata aaqqissugaannik Avanersuarmi Tunumilu qimussimik sukkaniutsitsisarnerit aaqqissortalissavaat.

Avanersuarmiut tunumiullu peqataasinnaannginnerannut pissutaavoq ungasippallaarnerat qimussit unammeqataanissamut assartorneqartarnerat pisariuallaarmat akisuallaarmallu.

AAMMA ATUARUK Qimussimik sukkaniunneq Ivakkak naammassivoq

- Piffissarujussuarmik, nukinnik aningaasarpassuarnillu atuisoqartarpoq, Mikkel Jeremiassen oqarpoq.

Kalaallit Nunaanni Qimussertartut Katuffiata pisortatigoortumik aaqqissugaannik Avanersuarmi Tunumilu qimussimik unammersuartsitsisoqartalissaaq.

- Kalaallit Nunaanni Qimussertartut Katuffiata pisortatigoortumik aaqqissugaannik Avanersuarmi Tunumilu qimussimik sukkaniutsitsisarnerit unammissutigineqartalernissaat aalajangerneqarpoq, tamannalu sumiiffinni pineqartuni tigulluarneqarpoq nuannaarutaallunilu, Mikkel Jeremiassen oqarpoq.

AAMMA ATUARUK Qimussertarneq tammatsaaliorniaraat

Avannaata Qimussersuani unammisarnerit 30-issaat ukiormanna pissaaq tamannalu pingaartinneqarpoq, taamaattorlu uggornartinneqarpoq Avanersuarmit Tunumiillu peqataatitaqartoqartannginnera.

- Avanersuarmi Tunumilu qimussertarnerup ingerlaannarnissaa piujuaannarnissaalu soorunalimi kattuffimmit tunngaviusumik illersussavarput, Mikkel Jeremiassen oqarpoq.

AAMMA ATUARUK Avannaata Qimussersuaartoqarnerani meeqqat inersimasullu unammeqataassapput

Mikkel Jeremiassenip ip ilanngullugu oqaatigaa qimussertarneq taamaallaat avannaanni tunumilu kisimi aallunneqanngitsoq.

- Kalaallit Nunaata kujataanit, Danmarkimit Europamillu Avannaata Qimussersua soqutigineqarluni malinnaaffigineqartarpoq,

Kalaallit Nunaanni qimussertartut kattuffiani Siulittaasoq Mikkel Jeremiassen taama oqarpoq.

Tasiilami nunaqarfiinilu qimussimik sukkaniunneq Kangiata Qimussersua Tasiilami apriilip ulluisa arfineq aappaanni unammissutigineqassaaq. Avanersuarmi qimussimik sukkaniunneq Inugguit Qimussersua apriilip ulluisa 21-anni unammissutigineqassaaq.

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat