Qimussimik assartuisinnaapput
Fiskere i Ilulissat har fået grønt lys til at transportere deres fangst fra Sermermiut til byen med hundeslæder. Naalakkersuisut har givet grønt lys for dispensation til at fiskerne kan transportere deres fangst gennem det fredede område, der ligger på Unesco's verdensarvsliste.
Ilulissani aalisartut Sermermiuninngaanniit aamma Sermermiunut qimussimik assartuisinnaanerat akuerineqarpoq. Qamuteralaat atorlugit assartuisinnaanermut qinnuteqaat Naalakkersuinikkut isummerfigineqartariaqartussaassoq Nunami namminermut, Pinngortitamut Avatangiisinullu Naalakkersuisoq Anthon Frederiksen oqarpoq.
Ilulissat kangiani qaleralinniarlutik aalisartut Ilulissat eqqaata sikuunera pissutigalugu umiarsualivimmut tikissinnaasanngillat, aalisartullu Sermermiunut, nunamut eqqissisimatitaasumut talillutik pisaminnik illoqarfimmut tunitsivinnut assartuisarput.
- Tassa massakkut allatut ajornartumik pisuinnarlutik piffissarujussuaq atorlugu aamma nukipparujussuit atorlugit assartuiniarsaripput, allaat karsit ataasiakkaarlugit ingerlaniarsarineqarput, Ilulissani aalisartut piniartullu peqatigiiffianni siulittaasoq Anthon Lindenhann oqarpoq.
Aalisartut qaleralinnik ilaatigut 1.500 kilonik pisaqarsimallutik Sermermiuniit illoqarfiup tungaanut assartuiniartarput, peqatigiiffimmiillu qamuteralaat atorlugit immikkut assartuussisoqartarnissaanut akuersisoqarnissaa qinnutigineqaraluarpoq. Qimussimilli sikuunera tamaat assartuisoqarsinnaanera akuersissutigineqarpoq, qamuteralaat angallanissaat inerteqqutaammat.
-Tassa qamuteralannik angalaneq killeqarfiup iluani inerteqqutaangami, qimussimilli angalaneq taanna inerteqqutaanngilaq, Naalakkersuisunut ilaasortaq Anthon Frederiksen oqarpoq.
