Qimussertartut amerikamiut aningaasarpassuarnik akissarsiassaqarput
Qimussinik sukkaniunneq Kusko 300-mik taaguuteqartinneqartoq, Yupikimi illoqarfimmi Bethelimi tallimanngornermi unnukkut aallartippoq. Kusko 300, Alaskami ukiukkut qimussimik sukkaniulluni unammersuarnerit pingasuusut ilagaat.
Allattoq Marianne Stenbæk, Montreal, Canada
Nutserisoq Jaaku Lyberth
Sukkaniunneq illoqarfimmit Bethelimit allartittarpoq Yukon-Kukskowinip kuuata anillagiaa atuarlugu nunaqarfimmut Aniakimut apuuteriarluni utertoqartarpoq, sukkaniuffiusoq 482 kilometerisut isorartutigaluni.
Qimusserluni sukkaniunnermi Kusko 300-mi ukiormanna peqataasut 25-iupput.
Qimussimik sukkaniunneq taanna ilungersunartuuvoq, qimussernerup nalaani akunnerit qulit sinnernagit qasuersaartoqaqqusaanngilaq. Qimusserfiusussap annertunersaa ukiormanna sikusimavoq.
Aqqutigineqartussaq tamaviaarnartuuvoq unamminerlu sakkortulluni, ajugaasormi akissarsiassarpassuaqarpoq, 900.000 koruuninimmi akissarsiassaqarami.