Nunavik Qimusserluni ukiumoortumik sukkaniunnissaq ataasinngorpat aallartissaaq

Nunavimmi qimusserluni ukiumoortumik sukkaniunnerup taaguutaa tassaavoq "Ivakkak", naggueqatigiillu Inuit suliniaqatigiiffiat Makivik Corporation aningaasalersuisuulluni.

Allattoq Marianne Stenbæk, Montreal, Canada

februaarip 25-at 2019 18:43

Nutserisoq Mads Lynge

"Ivakkak" Nunaviup kippasissortaani ukiumoortumik nalliuttorsiutigineqartarpoq.

Qimussertartut qulingiluat ukioq manna nalunaarsimapput, tamarmik Nunavimmeersuullutik.

Nunaqarfiit assigiinngitsut ingerlaarfissami aaqqissuisimapput, qimussertartut innuttaasullu misigisaqartinneqassallutik.

Nunavimmi qimusserluni sukkaniunneq "Ivakkak" ukioq manna sapaatip-akunnerinik pingasunik sioqqutsilluni aaqqissuunneqarpoq, tamaani silap pisarnermit kiannerunera pissutaalluni sioqqutsisoqarluni.

"Ivakkak" ataasinngorpat februaarip ulluisa 25-anni aallartissaaq, nunaqarfimmit Chisasibimit aallartissalluni. Ingerlaarfissaq 450 kilometerinik isorartussuseqarpoq, Nunaviup Hudsonip Kangerliumarngata tungaanut sineriaa atuarlugu ingerlaartoqassalluni.

Pilersaarutit malillugit sukkaniuttoqassappat peqataasut nunaqarfimmut Inukjuarmut marsip ulluisa tallimaanni
apuutissapput.))

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.