Qimmiutillit qimmip nalunaarutiginerani sallusarput

Danmarkimi qimminik saassussinermi atorneqartartunik inerteqquteqalerneq, Inatsisartut upernaaq ataatsimiinneranni Demokraatit assingusumik siunnersuuteqarnerannik kinguneqartoq, akulloqqunneqarsinnaagunarpoq.
Allattoq Elisa Isaksen
juulip 20-at 2010 09:22

Qimmiutilik qimmip nalunaarutiginerani suuneranik salluppat, qimmiaqqat toqutaanngitsoorsinnaapput aamma qimmit inersimasut ersaruserneqanngitsoorsinnaapput, Jyllands-Postenimi taama allaaserinnittoqarpoq.

Danmarkimi qimminik nalunaarsuisarfimmi arlaleriarluni naammattoorneqartarput, qimmit saassussinermi atorneqartartut, qimminut saassussinermi atorneqartartunut inerteqqutaasunut 13-iusunut ilaanngitsutut nalunaarutigineqartarnerat.

- Uumasut nakorsaata aallaqqaammut qimmip suunera kukkusumik allassimappagu, tamanna upperisarparput, Ivan Nørgaard, Qimminik Nalunaarsuisarfimmi allaffiup pisortaa Jyllands-Postenimut oqarpoq.

Qimmit pillugit inatsit Danmarkimi juulip aallaqqaataanniit atuutilerpoq. Nunatsinni Inatsisartut inatsisissap naammassillugu suliarineqarnissaa ukiaru ataatsimiinnissaminnut kinguartippaat, sukumiisumik suliarineqarnissaa qulakkeerniarlugu.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq