Danmark Qimmit qimuttut atorneqaqqusaaneri ministerip erseqqissaatigigaa
- Qamutit qimminik qimuttullit atorlugit angallanneq peqqinnarpoq, sunngiffimmilu nuanaarutissatut atorneqarluarsinnaalluni. Suliaq qimerlualaarsimavara, angallannermullu inatsit aallaavigalugu qimussertoqarsinnaasoq takusinnaavara, Ole Birk Olesen, Angallannermut Ministereqarfiup nittartagaani taama ilaatigut allaaserisaqarpoq.
Ministerip taama nalunaaruteqarnera Dansk Polarhunde Klubimi nuannaalersitsivoq, taakkumi 80-it 1090-llu akornanni ilaasortaqarput, taakku naalagaafffiup orpippassuini ilaatigut qimussertarput.
AAMMA ATUARUK Nyt håb for danske slædehundekørere
AAMMA ATUARUK Danmarkimi orpippassuarni qimussertarneq inerteqqutaalersoq
- Sunngiffimmi soqutigisatsinnik suli aallutaqarsinnaanerput nuannaarutigaarput, Marianne Schlüter, Dansk Polarhunde Klubimi siulittaasoq oqarpoq.
Danmarkimi qimussersinnaanissamut nalunaarutip nutaap aappaagu 2019-imi januaarip aallaqqaataani atuutilersinneqarsinnaanissaa angallannermut ministerip neriuutigaa.
/ritzau/
