Qimmit Korea Kujallermi misileraavigineqalerput
Uumasunik assigiinnik kingornussartalinnik pinngortitsisarneq Korea Kujallermi aningaasarsiutiginiarneqalerpoq. Aviisip Politikenip nittartagaani tamanna atuarneqarsinnaavoq.
Allattoq Mads Lynge
aggustip 15-at 2009 13:23
Qimmit kingornussassartaasa sunniivigineqarnerisigut aningaasarsiortoqarnialerpoq, qimmerlu ataaseq 500.000-it koruuneqartussatut naatsorsuutigineqarluni.
Qimmit kingornussassartaasa sunnerneqarnerisigut qimmit ukiumut 1000-it tunineqartarnissaat, suliffeqarfiup RNL Bio-p neriuutigaa, uumasullu allat nungoratarsinnaasutut nalilerneqartartut, soorlu amaqqut, taamaaliorneqarsinnaanersut suliffeqarfiup aamma misileraaviginiarpaa.
Qimmit kingornussassartaanik sunniiviginiarnermik RNL Bio misilittagaqareerpoq. Qimmit Labrador Retrieverit misileraavigineqareerput, piaqqat Canadameersut misileraavigineqarmata. Qimmit pineqartut ikiaroornartunik narajorlutik nassarsinnaasutut atorluarneqarsinnaasut nalunaarutigineqarpoq.
