Qimmit angalaannartut perlerornermik tunillatsissinnaanerat Kommune Kujalliup mianersoqqussutigigaa
Qimmit angalaannartut perlerornermik tunillatsissinnaasut ikilisinniarlugit, Kommuni Kujalliup sulissutiginialerpaa. Kommuni Kujalleq taama tusagassiuutinut taama nalunaaruteqarpoq.
Asseq toqqorsivimmit
Allattoq Bikki P. Kleist
septembarip 20-at 2018 09:53
Kujataani qimmit akornanni perlerortoqarnera piffissami kingullermi ingerlaartoq qimminit angalaannartunit ingerlaartinneqarsinnaammat, Kommune Kujalleq qimminik angalaannartunik ikilisaanialerpoq.
Taamaattumik qimmiutillit paarsilluaqqissaarnissaat, qimmitillu akiuussutissinneqarsimanngippata akiuussutissinneqarnissaat, Kommune Kujalliup kaammattuutigaa.
Alluitsup Paani terianniamik perlerortumik naammattuuisoqaqqammerpoq, tamannalu pillugu Kujataani peqqinnissaqarfimmi pisortaasup, Efa Olsenip Kommune Kujallermut saaffiginnissutigaa.
Qimmillu angalaannartut tiguneqarpata kommunimit inuttassarsiuunneqassasut, Kommune Kujalliup KNR-imut paasissutissiissutigaa.