Qimmit amerlanerit kaanngillat

- Qimminik kaattoqarneragaaneq oqariartuutigineqartutuut annertunerunngilaq aammalu Qaanaap aqutsiveqarfiani nunaqarfimmut ataasiinnaanerusumut tunngalluni, Ane Hansen aamma Jess Svane ataatsimoorussaminnik tusagassiutinut nalunaarummi allapput.

Pissutsit oqaloqatiginnittarnertigut aamma Jess Svanep Ane Hansen-illu ataatsimeeqatigiinnerisigut misissorneqarsimavoq. Silamik peqquteqartumi piniutaarsertoqarsimasinnaanera maanna kommuunip misissorpaa. Arlaannik iliuuseqartoqassanersoq aammat isummerfigineqarumaarpoq misissuineq naammassippat.

Taamaattoq Qaasuitsup Kommuniata aamma Naalakkersuisut piniartut kajumissaarpaat piffissaagallartillugu piliniartaqullugit aappaagu taama pisoqaqqinnginniassammat. Aamma erseqqissarpaat qimmit nerisassaqarnissaannik qulakkeerinissaq piniartut akisussaaffigigaat.

- Qaanaami eqqaanilu suli puiseqarluarpoq allanillu piniagassaqarluni. Massakkulli kaperlappoq taamalu piniariarnissaq ajornakusoorsinnaalluni. Tamannali ukiup taamaalinerani taamaattuartuuvoq kialluunniit allanngortissinnaanngisaa, kaperlannissaanullu imminut qimminullu peqqumaasersornissaq piareersarfigiuartariaqarpoq, Jess Svane aamma Ane Hansen oqarput.