Qimmit ameerlugit igitat
februaarip 23-at 2006 08:11
Danmarkip ilaani Fredericiami tupinnarluinnartumik pisoqarsimavoq.
Qimmit arfineq-marluk ameerlugit qatserisarfiup eqqaanut tikikkuminaatsumut iginneqarsimasut ippassaq nassaarineqarsimapput!
Taama nalunaarpoq Danmarks Radiop Vejlemi immikkoortortaqarfia, DR Vejle, Kanal 94.
Pisoq immikkorluinnaq ittuummat politiit innuttaasunut ikioqqullutik saaffiginnereerput.
Qimmit piffissami sivisujaami qatserisarfiup eqqaani inissisimasimapput, qimmillu racet sorpiaanersut suli paasineqanngilaq.
Vejlemi inuussutissanut immikkoortortaqarfik uumasullu nakorsaat aamma suleqatigineqalereerput.
Fredericiami politiinspektørip, Bent Høeg Petersenip, pisimasup amiilaarnaqisup paasiniarneqarnerani innuttaasut ikiortiserai.