Qimmit akusat Yukon-imi qimutsinneqassapput

Jamaica-mi qimmit sumiginnagaasimasut atorlugit, Yukon-imi qimusserluni sukkaniunnissarsuarmi, 2009-mi pisussami, peqataatitsiniarluni, Jamaica-meersoq Danny Melville qimussernissamut aningaasaliinialerpoq.

- Qimmit Jamaicami sumiginnagaasartut ikiorsernarlugit, qimussersinnaanermik isuma pilersimavoq. Soorunami inuit tusaqqaarangamikku qanoq pilersaaruteqarnersunga, soorunami paatsooqqaartarpaannga.

Qimussernissamut aningaasaliisoq Jamaicami imerniartarfiutilik Danny Melville, ulluni makkunani, qimussernermut tunngasunik paasisassarsiorluni, Canadami White Horse-imiippoq. Qiminillu akusanik sungiusaasussaq, Yukon-imi qimussertartoq Hans Gatt naapippaa.

Qimmit qimussernermi atugassat ilaat Jamaicami sumiginnagaasimasut katersorneqartarfiani Jamaican SPCA-meersuupput, ilaallu aqqusinerniit tiguinnagaallutik. Qimminilli Jamaicameersunik akusanik aqutsisuusussap Anderson-ip, qimussernissarsuarmi ajugaanissani ilimaginngikkaa nutaarsiassaqartitsivik CBC north taama allappoq.

Qimmit akusat qimuttoriniarneqartut Jamaica-meersut Uunga nittartakkamut iserlutit takusinnaavatit: jamaicadogsled.com