Qimmit 62-it toqunneqartariaqarsimasut
upernavimmi Qaanaami taakkulu nunaqarfiini qimmit 62-t toqunneqartariaqarsimapput.
Uumasut nakorsaat Upernavimmi Qaanaami taakkulu nunaqarfiinut angalammat qimmit 62-t toqunneqartariaqarsimapput.
Qimmit ima nukillaarsimaruttormata perleruttormatalu uumasut nakorsaata norgemiup Marit Holmip qimmit toqunneqarnissaat isumagisariaqartarsimavaa
- Upernaviup nunaqarfiisa ilaanni qimmit 26-t perlersiarineqarsimanertik peqqutigalugu toqunneqartariaqarsimapput, Marit Holm attortissimarpasilluni oqarpoq.
Qimmilli pitsaasumik paaqqutarineqartut takusimanerarpaa – taamaattunik takulluni nuannernerarpaa. Qaanaami qimmit ilai saluttut takusimanerarpai. Taamaattumillu Qaanami Siorapalummilu qimmit 14-t toqunneqartariaqarsimallutik.
- Qimmit pitsaasut amerlasuujupput nerisaqartinneqartariaqarpulli, Marit Holm ilaatigut oqarpoq.
Qimminik paarsinilluttoqarsimatillugu qimmiutillit sunik patsisilersuisarsimanersut apeqqutigineqarmat Marit Holm oqarpoq:
- oqaloqatigigaangakkit oqartarput; piniarnerliornerit pissutaasartut. Ilai oqartarput: umiatsiamik ajornerat pissutigalugu qimmit iluamik nerisassaqartinneqarsimanngitsut. Ilaasa oqaatigisarsimavaat qimmit aasakkut saluttuusinnaasut. Tamakku oqarfigisarsimanerarpai: ima salutsigissanngitsut nukeerullutik. Salussinnaapput, kisianni nukeerutsinneqarsimassanngillat. Piniarnerliornermut qimmit pisuusinnaanngillat, ilaatigut taama oqarfigisarpakka, Marit Holm oqarpoq.
Marit Holmip erseqqissarpaa angalanermini qimmiutillit naapissimasani nuannersumik misigisaqarfigisarsimallugit.