Angutip hashimik kuffertiminut toqqorlugu eqqusseriaraluarnera iluatsinngitsoorpoq. Kangerlussuarmimi politiit qimmiata nalinginnaasumik misissuinermi ikiaroornartoq hashi 188 grammi angutip kuffertianiittoq nassaaraa.
Kangerlussuarmi politiit angut killisioreerlugu iperarpaat. Angutillu kingusinnerusukkut eqqartuussaanissani akiliisinneqarnissanilu naatsorsuutigissagaa Kangerlussuarmi politiit KNR-imut ilisimatitsipput.