Qimmit nappaataat Qimminik toqoraasoqarnialerpoq
Qimmit nappaataat aarlerineqarluni annilaanngassutaaginnarunnaarpoq. Qimmit nappaataat Ilulissani siaruarsimasoq, Ingerlatsinermut Avatangiisinullu sulianut aqutsisoq Søren Lindenhann e-mailikkut KNR-imut allappoq.
Qimmit nappaataat qimmeqarfinnut arlalinnut anngussimavoq, Qeqertamiillu qimmit sisamat Ilulissanukaanneqarneranni qimmit nappaataat siaruarsimavoq.
Aamma atuaruk Qimmillit akiuussummik kapisinissaq soqutiginngilaat
Akisussaaqatigiinneq
Qimmit arlallit ullumi tallimanngornermi toqunneqarsimasut, qimmillillu arlaqartut qimmimmi napparsimanerat kalerriutigigaat, Søren Lindenhannip oqaatigaa.
Qaasuitsup Kommunia iliuuseqalerpoq, aammalu qimmillit suliniuteqaqataanissaat pingaaruteqartoq, uumasut nakorsaanerata oqaatigaa.
- Kommuni qimminik pituutaqanngitsunik toqoraatitsinialerpoq. Innuttaasut saaffigereerpaat paasissutissiillutik, tassa taama pisoqalersoq. Tassalu qimmit angalaannartut nappaammik siaruaannginnissaat qulakkeerniarniarpaat. Taamaammat ataatsimoorluni akisussaaffiunerata paasineqarnissaa pingaartorujussuuvoq. Qimmit kalunnerni pituttassapput, qimmiaqqallu ungaluusaniissapput, Sanne Eline Wennerberg oqarpoq.
Ilulissani 1200-it missaanni qimmeqarpoq.
Aamma atuaruk Qimmit Ilulissaneersut peqataasinnaajunnaarput
