Qimminik naalliutsitsisimasutut akiliisitaasut

Ilulissani qimmiutillit qimmiminnik kaatsitsisartut, uumasut nakorsaat Sanne Eline Wennerberg ilisimatitsivoq.

- Iluarinanngilluinnarpoq qimmeqartoqarmat qimmiminnik nakkutiginninngilluinnartunik kaatitsisartunillu.

Qimmiutillillu pineqartut aatsaat taamaaliormata akiliisussanngortinneqarput.

Pineqartullu uumasut nakorsaata nalunaarutigigamigit ilaatigut ima allappoq:

- Qimmii takuneqarsinnaapput sivisuumik nerisinneqarsimanngitsut. Qimmeq qimmeqarfiani toqunneqartoq sivisuumik nerisinneqarneq ajorsimagami saluttuararsuuvoq. Perlilingaarami aaqqat sullisigineqartartoq plastikkeq nerisimavaa.

Qimmiutillip aappaata qimmini paarinerlussimavai kaatsittarlugillu – marluk tamanna toqqutigisimallugu.

Qimmiutillit inatsimmik unioqqutitseqqippata eqqartuussivikkut suliassanngortinneqarsinnaapput, qimmiinik arsaarneqarsinnaallutik.