Qimmik qimuttut 20.000-it Canadami piaraalugit toqunneqarsimapput
Misissuisitat ilumoortussaq pillugu isumalioqatigiissitaq, eqqartuussissumit naggueqatitsinnit soraarninngorsimasumit New Foundlandimeersumit aqunneqarput. Cape Dorsetimiinneranni naggueqatigiit inuit utoqqartaannik arlalinnik tusarniaasimapput. Qimmit qimuttut piaraaluni toqorarneqarsimanerat kisiat oqaluttuarinngilaat, aammali Canadap kujasinnerusortaanit inuit nunaqarfigisaannut nuuttut pillugit misigisatik oqaluttuaraat.
Tusarniaanermi angutip 58-nik ukiullip oqaluttuaraa, taamani qaqortumik amillit imigassartorsimallutik qunusiaralugu aningaasanik tilliffigitissimanini. Angut taanna nunaqarfigisami eqqaani silasiorfimmi sulisuusimavoq.
Qimmit qimuttut sillimaniarneq peqqinnissarlu eqqarsaatigalugit toqorarneqarsimapput. Tamanna arnap 60sit missaannik ukiullip Qupirraluk Padlup uppernarsarlugu oqaluttuaraa. Uima ataatama uangalu qimmerisagut politiinit aallaaneqarlutik toqunneqarput.
Ulluinnarni inuunitsinni qimmit pisariaqartitaraagut, ajunngitsumillu pisarlutigit. Qimmit tamarmik ateqartinneqarput, taamaaliornikkut aqusinnaasimavagut, Quperraluk Padloq ilumoortussaq pillugu isumalioqatigiissitamut ilaatigut oqaluttuarpoq.
Naggueqatigiit Inuit oqaluttuarnerat malillugu qimmit qimuttut 20.000-it 1970-ikkut tungaannut piaaraalugit toqunneqarsimapput. Ilumoortussaq pillgu isumalioqatigiissitap tusarniaalluni Canadami angalanini sapaatip akunnerini tulliuttuni ingerlatissavaa, pilersaarutaalluni illoqarfiit nunaqarfiillu 13-it tikinneqarnissaat.
