Qimassanngilaanga: Jensine Fieldsimiit uinilu qimaanermini taama eqqarsarpoq

Jensine Møller Jensenip nuiatalu seqqorpallattoqartoq tusaagamikku Fieldsimi qimaasarfimmukarput. Pisiniarfissuarmi sapaammi aallaasersortoqarnerani inuit pingasut toqutaapput.

Inuit uppittut. Ataatsimoorlutik qimarrattut. Meeqqat qiasut. Inuit paatsiveerussimallutik kukkusumut qimaasut.

Jensine Møller Jensenip uiatalu pisiniarfissuarmit Fieldsimit sapaammi ualikkut aallaasersortoqarnerani qimaaniarneranni taama isikkoqarpoq.

Københavnimi politiit Københavnimi Amagerimi pisiniarfissuarmi Fieldsimi aallaasersortoqarnera pillugu danskit nalunaaqutaat naapertorlugu nalunaaqutaq 17.36 nalunaarfigineqarput.

Fieldsimi aallaasersortoqarnera ataatsimut isigalugu:

 

Københavnimi politiit pisiniarfissuarmi Fieldsimi aallaasersortoqartoq sapaammi nalunaaqutaq 17.36 (danskit nalunaaqutaat) nalunaarfigineqarput.
 

Politiit oqarnerat naapertorlugu Fieldsimi sumiiffinni assigiinngitsuni marlunni seqqortoqarpoq.

 

Inuit pingasut toqutaapput. Nukappiaraq niviarsiararlu 17-inik ukiullik kiisalu angut russitut innuttaassuseqartoq 47-nik ukiulik Danmarkimili najugaqartoq.

 

Tamatuma saniatigut inuit sisamat aamma eqqorneqarput. Taakkunannga ataaseq peruluppoq.

 

Inuit allat 23-t aallaasersortoqarnerani aamma ajoqusersimapput.

 

Politiit angut 22-nik ukiulik danskisut innuttaassuseqartoq aallaasersortoqarnerata kingorna tigusaraat.


Angut ataasinngornermi inatsit tunngaviusoq naapertorlugu killisiorneqarpoq. Angut taanna tarnikkut nappaatilinnut immikkoortortaqarfimmi matoqqasumi ulluni 24-ni tigummigallagassanngortinneqarpoq.

Inuit pingasut toqutaapput politiillu angut danskiusoq 22-nik ukiulik tigusaraat.

Taanna ulluni 24-ni tarnikkut nappaatillit napparsimmaviata immikkoortortaqarfiani matoqqasumi tigummineqartussanngortinneqarpoq.

Angut inunnik pingasunik toqutsisimasutut arfineq-marlunnillu toqutseriarsimasutut pasineqarpoq.

Angutip 22-nik ukiullip unnerluutiginninnerit qanoq oqaaseqarfiginerai naluneqarpoq, inatsimmi tunngaviusoq naapertorlugu killisiuisoqarnerani matut eqqartuussisumit matuneqarput.

27-nik ukiulik, Jensine Møller Jensen Ilulissaneersoq sulinngiffeqarnermini Danmarkimiippoq, taannalu uinilu sapaammi ualikkut Fieldsimiipput. Perusuersartarfimmit anillaqqammerluni uini angutit perusuersartarfianiittoq utaqqillugu seqqorpallannerit siulliit tusaavai.

- Seqqorpallarujussuarmat sekundtip iluinnaani aallaaseqarnerarlugu nilliasoqarpoq, taavalu seqqoqqilluni, Jensine Møller Jensen oqarpoq.

Fieldsimi qimaasut

Jensine Møller Jensen nuialu ajornartoornermi qimaasarfiup eqqaaniipput, taakkulu pisiniarfissuup iluani aallaasersortoqartoq paasigamikkut qimaapput.

Taakkulu kisimiinngillat. Field’s inunnik anisarfimmut arpaliuutilersunik ulikkaavippoq. Nilliasoqarpoq, paatsiveersimasoqarneranilu.

- Inuppassuit suaartarput: aallaaseqarpoq. Qimaagitsi. Aallaaqqingajalerpoq, Jensine Møller Jensen oqarpoq.

Uinilu qimaanerminni eqqarsaaterpassuaqarpoq.

- Allanik eqqarsaateqanngilanga ingiaqatigivara? Qimappara? Uannit siullinngorpa? Qimassanngiivippaanga.

Ajornartoornermi qimaaffissamut apuukkami amerlasoorujussuit tassuuna aamma qimaaniarsaripput.

- Qimaaffissiakkoornitsinni seqqorpallammat etageqatigeqatigerpasillutigu nipaa sakkortunerpaagami. Tassani immaqa ajornersaavoq, Jensine Møller Jensen oqarpoq.

Silataani anersaartorniarlutik sivikitsumik unipput, angullu anisarfikkut anillalluni qimaassasut oqarfigai.

- Nalullugu sumiinnerluta sumunnassanerlutaluunnit arpaqqilerpugut.

Inuit pingasut toqutaanerisa saniatigut inuit sisamat aamma aallaaneqartut ataaserlu perululluni. Inuit 20-t allat Fieldsimit qimagussornerminni aamma annikinneurusumik ajoquserput.



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl