Qimarnguik niviarsiaqqanit tapersersorneqarpoq

Nunavumi meeqqat atuarfiisa ilaanni Aqsarniit middleschool-imi niviarsiaqqat aqqanilinnik aqqaneq-marlunnillu ukiullit, 6 klassini atuartut, niviarsiaqqat klubbiannik pilersitsisimasut, arnat qimarnguiannut aningaasanik katersiniarlutik, kaageeqqanik iffiorsimariarlutik tuniniaapput. Tuniniaanermilu aningaasat 500 dollarit, tassa 2500 koruunit missaaniittut isertinneqarput, aningaasanillu katersuiniarnermi peqataasut ilaat Kathy Argue oqarpoq, ikiuiniarluni aningaasanik katersuiniarneq nuannersuusoq.

- Taamatut ikiuiniarluni suliniarneq nuanneqaaq, aammami ilagut qimarnguimmiittareersimapput, niviarsiaraq klubbimik pilersitseqataasimasoq Kathy Argue oqarpoq.

Qimarnguimmi aqutsisoq, Napatchie McRae oqarpoq, taamatut aningaasanik annikikkaluanik tunisisoqaraangat iluaqutaasaqisoq, ukiormi kingulleq arnat qimarnguiat aningaasassaarulluni matusaangajammat.

- niviarsiaqqat iliuusaat tulluusimaarnaqaaq, aammami innuttaasunut paaseqqunaqaaq qimarnguiup pisariaqassusaa, Napatchie McRae Nunatsiaq newsimut taama oqarpoq.