Assi: KNR // Anton Gundersen Lihn

Ukiup ataasinngornera: Qimagussortinneqarsimasut ajunaarnersuaqarnera puigunngilaat

Uummannaq Uummannallu nunaqarfii inuit sisamat ajunaarnerannik innuttaasullu 174-it najugaarunnerannik kinguneqartumik juunip 17-ianni, 2017-imi malissuarnik eqqorneqarput. Pisoq qimagussortinneqarsimasut suli puigorsinnaanngisaat ukioq ataaseq matuma siorna pisimalerpoq.

Qaqqap Juunip 17-ianni unnukkut sisoorneranit nunaqarfiit Nuugaatsiaq Illorsuillu aserorterneqassutigisaannik tassaarsuaqarpoq.

Nunaqarfinni marlunni innuttaasut Uummannamut qimagussorneqarpoq, tamatumalu kingorna qimagutitinneqarsimasut amerlanerpaartaat illoqarfimmitut inuunermik nutaamik ujartuisariaqarsimapput. Amerlanerit piffissap ingerlanerani najugassaqalersimapput, nunaqarfimmiullu amerlanerit suliffittaaqqissimallutik.

AAMMA ATUARUK Naalakkersuisut aamma Avannaata Kommunia tikeraalersut

Karrat Kangerluani tassaarsuaqarneranit – ukiup ataatsip kingorna
Nunatta oqaluttuarisaani pinngortitami ajunaarnersuaqarnerni sakkortunerpaat ilaat siorna juunip 17-ianni pivoq.

Ajunaarnersuaqarneranik nalaataqartut ilaat oqaloqatiginiarlugit KNR Uummannamiippoq.
KNR-ip aallakaatitsineri ulluni tulliuttuni malinnaavigikkit.

Naak Uummannami inuuneqalerneq atussaagaluartoq ukiorlu ataaseq qaangiukkaluartoq qimagussorneqarsimasut kinguneqapilutsitsisartut nunaqarfinnut Nuugaatsiamut Illorsuarnullu siulersuisut siulittaasuata, Karl Peter Møllerip oqaatigaa.

Qimagussortinneqarsimasut juunip 17-iat eqqarsaatigisaraat

- Qanoq oqaatigissallugu nalunarpoq. Qimagussortinneqarsimalluni sakkortuvoq. Ulloq taanna eqqarsaatigisaqaraara. Pingaartumik maanna ukiup ataatsip qaangiutilernerani qanoq inissisimanerput. Inuunerup qanoq sakkortutigisinnaanera uppernanngitsorujussuuvoq, Karl Peter Møller oqarpoq.

Nuugaatsiarmiu, Johanne Zeeb aamma taama misigisimavoq. Ajunaarnersuaqarneraniilli ukiup ataatsip ingerlareernerani arlaannik allanngortoqarsimanerarpaa.

 

AAMMA ATUARUK Ilaqutariit eqqugaasut misigisaminnik oqaluttualersut

- Ulloq juunip 17-iat ilaanni eqqarsaatigerujussuartarpara. Pingaartumik maannga nooqqammerluta qaammammi 17-ianngoraangat sininneq ajulertaraluarpunga. Maannali qaangeriartulerpara, Johanne Zeeb oqarpoq.

Erik Møllerip Illorsuarneersup ajunaarnersuaqarsimanera naalliutigisarsimavaa. Taassuma nunaqarfimmiut ataatsimoortinniarnerat ajornarnerarpaa. Ukiulli ataatsip ingerlanerani nunaqarfimmiuunerup ilaanik attassiniarneq iluatsissimavoq.

Innuttaasut angerlarsusuttut

- Illorsuarni ileqqoqarpugut, taakku attatiinnarniarsaraagut. Uummannami innuttaasut tamatumani tapersiinerat illoqarfimmilu maani ingerlaannarnissatsinnut ikiuunnerat nuannerpoq, Erik Møller oqarpoq.

AAMMA ATUARUK TV: Kielsenip tusagassiortunik katersuutsitsinera takuuk

Uummannami innuttaasutut nutaatut inuuneqalerneq ukiumi qaangiuttumi nalinginnaasunngoriartuinnavippoq. Aperisoqaraluarpalli qimagussorneqarsimasut angerlarusunnissaat qularnanngilaq.

- Taamaammat uanga sukkanerpaamik uterusussagaluarpunga, Erik Møller Illorsuarneersoq oqarpoq.

- Peqqikkutta angussagutsigulu utissaagut, Johanne Zeeb Nuugaatsiameersoq oqarpoq.

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat