Illorsuit Qimagussorneqarsimasut peqatigiiffittaartut
Illorsuarmiut nunatta avannaani tassaarsuaqarmat qimagussorneqartunut ilaapput. Taakkulu ilaatigut ataatsimoorfissaqarnissamik pisariaqartitsigamik, peqatigiiffissaminnik pilersitsipput.
Peqatigiiffiup Illorsuit siunissami uterfigineqaqqissinnaalissagaluarpata uterfigineqaqqissinnaanngikkaluarpataluunniit iluaqutissaanissaa siunertaavoq. Peqatigiiffillu suliassaqalereersoq, peqatigiiffimmik pilersitsisoq siulittaasunngortorlu., Dorthe Qvist Jeremiassen oqaluttuarpoq.
- Tunisassiorfik qimagussorneqanngitsiartugut nutarsarlugu piariilertoq atortukut allallu saviminikut aallarunneqartussaagaluit aallarunneqarnikuunnginnamik. Nunataalu suli salinneqarnikuunngitsoq qimaannapajunnikuullutigu. Taava isumaqannginnatta tikeqqusaajunnaarmat tassa salitassartai imminiiginnassagivut.
Karrani tamatumalu qanittuani angalannginnissamik oqartussat siorna upernaakkumut allaat siunnersuipput.
Peqatigiiffiulli Illorsuarni saliinissamik pilersaarutini naammassiniarlugu suli aalajangiusimavaa.
Taamaattumik Avannaata Kommuniata upalungaarsimanermut pisortarigallagaata Isak Pjettursonip Illorsuarnut qanillattunnginnissamik siunnersuut maanna uteqqippaa.
