Assi: Angu Motzfeldt

Qimaasut pillugit siunnersuutimi itigartitsissutigineqarnera Nathanielsenip uggoraa

Qimaasunik siunissami agguataarinerni aalajangersimasumik amerlassusilimmik Nunatsinnut tikisitsisinnaanermut periarfissat ujartorneqarnissaat pillugu Naalakkersuisut Naalagaaffiit Peqatigiit isumaqatigiissusiorfigissagaat, Inatsisartuni ilaasortap attaviitsup Naaja Nathanielsenip siunnersuutigaa, siunnersuutaali Inatsisartuni amerlanerussuteqartunit ataasinngormat itigartinneqarpoq.

- Naalagaaffiusuugutta namminersortoq, nunallu amerlanerit aperigaanni namminiilivittoorusupput, taava aamma paasisariaqarpaat nunatut namminiilivittunngorsimasut akisussaassusilimmik suleqataarusuttarput, Naaja Nathanielsen oqarpoq.

Naalakkersuit siunissami qimaasunik agguataarinerni aalajangersimasumik amerlassusilinnik nunatsinnut tikisitsisinnaanerput periarfissinniarlugu Naalagaaffiup aamma Naalagaaffiit Peqatigiit isumaqatigiissusiorniarfigissagaat Naaja Nathanielsenip aalajangiiffigisassatut siunnersuutigaa.

Naaja Nathanielsenip siunnersuutaa Naalakkersuisunit itigartinneqarpoq, qimaasunimmi tigusisinnaanissamut inatsisitigut tunngavilersuinissamik suliap toqqissisimasumik ingerlanissaa Naalakkersuisut kissaatigaat, Nunattami qimaasunik tigusisinnaanissaa piviusunngussappat pissutsit assigiinngitsut nassuiaatigineqaqqaassasut Naalakkersuisunit oqaatigineqarpoq.

Aamma atuaruk Nathanielsen: Nunarput qimaasunik aalajangersimasunik amerlassusilinnik tikisitsili

Kalaallit Nunaata assersuutigalugu ukiut pingasut ingerlaneranni qimaasut arfinillit tigusinnaassagai Naaja Nathanielsenip siunnersuutigaa, qimaasulli Nunatsinni akuunerulersinneqarnissaannut inatsisitigut suli sinaakkuserneqarsimanngillat, taamaatumillu maanna Nunatsinnukassappata tamanna ajornartorsiutaalersinnaalluni:

- Qimaasut pillugit inatsisitigut sinaakkutissaqanngilagut, naak qimaasunik tigusisinnaanissamut periarfissaqaraluartugut, Nunanut allanut tunngasunut naalakkersuisoq Vittus Qujaukitsoq oqarpoq.

Aamma atuaruk IA: Attaviitsup tusarneqarnissani amigaatigaa

Naaja Nathanielsenillu Vittus Qujaukitsup akissutai aallaavigalugit allannguutissatut siunnersuummik saqqummiussaqarpoq, Naalakkersuisut sulinerannut naleqqussakkamik saqqummiussaqarluni. Siunnersuulli aamma itigartitsissutigineqarpoq.

Qinikkat qimaasut pillugit oqallinnissamut tunuarsimaartut Naaja Nathanielsenip oqaatigaa, Siumulli politikkikkut oqaaseqartartuata Jens-Erik Kirkegaardip oqaatsit illuatungilerpai, Nunarput nunanut allanut tunngasunut politikkimik akisussaaffeqalerpat qimaasunut politikki Inatsisartuni taamanikkussamut oqaluuserineqarumaartoq oqaatigalugu,

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat